ޕްލެޓްފޯމު ބޭނުންކުރާ ކޮންމެ ފަރުދަކަށް އެފަރާތުގެ މައުލޫމާތާ ގުޅޭ ގޮތުން ތިރީގައިވާ ހައްގުތައް ލިބިގެންވެއެވެ:

1. މައުލޫމާތަށް އެދުމުގެ ހައްގު – ދަ ރެޑްލައިން ޕެލްޓްފޯމުގައި ހުރި މައުލޫމާތުގެ ނަކަލަށް އެދުން
2. އިސްލާހުކުރުމުގެ ހައްގު – ސައްހަނޫން ކަމަށް ބެލެވޭ މައުލޫމާތުގެ ކުށް ރަނގަޅުކުރުމަށް އެދުން. އަދި ފުރިހަމަ ނުކުރެވިހުރި މައުލޫމާތު ފުރިހަމަ ކުރުމުގެ ހައްގު.
3. މައުލޫމާތު ނައްތާލުމުގެ ހައްގު – 365 ދުވަހުގެ މުހުލަތުގެ ކުރިން، ހާއްސަ ހާލަތްތަކުގައި މައުލޫމާތު ނައްތާލުމަށް އެދުން.
4. މައުލޫމާތު ބޭނުންކުރުމަށް ޝަރުތުކުރުން – ހާއްސަ ހާލަތްތަކުގައި ހުށަހެޅިފައިވާ މައުލޫމާތު ޕްލެޓްފޯމްއިން ބޭނުންކުރާ މިންވަރު ހިފަހަށްޓަން އެދުން
5. މައުލޫމާތު ބޭނުންކުރުމަށް ހުއްޓުމަށް އެދުން – ހާއްސަ ހާލަތްތަކުގައި ހުށަހެޅިފައިވާ މައުލޫމާތު ޕްލެޓްފޯމްއިން ބޭނުންކުރުން ހުއްޓާލުން.
6. މައުލޫމާތު ހިއްސާކުރުން – ޕްލެޓްފޯމުގައި ހުރި ފަރުދެއްގެ މައުލޫމާތު ސީދާ އެ މީހަކަށް ފޯރުކޮށްދިނުމަށް ނުވަތަ އެހެން ފަރާތަކާއި ހިއްސާކުރުމަށް އެފަރުދަކަށް އެދެވޭނެ.

މިގޮތަށް އެދޭ ކަންކަމަށް ދަ ރެޑްލައިން ޕްލެޓްފޯމް އިން އެއްމަސް (30 ދުވަސް) ތެރޭގައި ޖަވާބުދޭނެއެވެ. މީގެން ކަމަކަށް އެދެން ބޭނުންނަމަ ތިރީގައިވާ އީ-މެއިލަށް އެކަމުގެ ތަފްސީލު ފޮނުވާށެވެ:

reports@redlineplatform.org